حصريا الدرس والعبرة من اتفاقية المعادن النادرة بين اوكرانيا و أمريكا
Exclusive: Lessons learned from the rare earths agreement between Ukraine and the United States
اللواء سامي دنيا يكتب 🇪🇬
اوكرانيا وامريكا بيوقعوا إتفّاقية المعادن النادرة ، وهي اتفاقية رفضها زيزي في مشهد مسرحي ركيك من كام اسبوع ، وبعدين لقيناه بيمضي عليها اهو لدفع قيمة المساعدات الأمر-يكية العسكرية لزيزي واللي وصلت ٣٥٠ مليار دولار!
الاتفاقية بتعطي الولا-يات المتحدة الحق في استغلال الموارد الطبيعية في او..كرا..نيا مع تاسيس صندوق لإعادة الإعمار يمنع من المشاركة فيه اي مساهم في الصناعات العسكرية الرو-سية ، وبتعكس الاستراتيجية الأمر-يكية للسيطرة على العالم باشعال صراع ثم ادارته عن طريق البدء بدعم الطرف المستهدف ، ثم التحرش بيه والتحكم الكامل فيه بعد التأكد من افتقاده للقدرة على الرفض ، مش قصة انك توافق او ترفض ، انت مش هتقدر ترفض اساساً!!!!!!
الاتفاقية بتكسر احتكار الصين للمعادن النادرة ، وبتحمي امر-يكا من التأثر سلبياً بقرار الصين بمنع توريد هذه المعادن للولا-يات المتحدة رداً على قرارات التعريفة الجمركية ، وبتسقط من الصين كارت من اهم كروت التفاوض مع الأمر-يكان ،خصوصاً ان الاحتياطي الاستراتيجي الأمريكي من هذه المعادن اللي بتدخل في صناعات عسكرية واستراتيجية هامة قارب من النفاذ!
الاتفاقية هيكون ليها انعكاس سلبي على مفاوضات وقف الحرب بين رو-سيا وأمر-يكا لانه بينسف اهم هدف للحرب وهو حرمان الناتو من التواجد في أو..كرا..نيا ، والمقصود من الناتو هو امر-يكا تحديداً ، مش رخامة من بو-تين يعني ، فكده طالما في تجارة واستثمارات وموارد ، طبيعي هيكون في وجود لقوات عسكرية تأمن كل الكلام ده ، فالهدف الرو-سي كده لم يتحقق ، وهيتحول التفاوض من الرفض إلى الاتفاق على شكل وحجم القوات العسكرية ونوعية التسليح فقط!
في النهاية ، الاتفاقية دي نموذج وبيان على المعلم للتدخلات الامر-يكية في اي دولة ، توسع وهيمنة وسيطرة فقط ، لا سلام ولا استقرار ولا حريات ولا اي حاجة ، اي تحرك عسكري ليهم بيكون ليه هدف اقتصادي بيخدم الهدف السياسي الاكبر ، وهو فرض القرن الامر-يكي ودخول كوكب الارض لبيت الطاعة الامر-يكي ، ومن غير حصيرة وطبلية وقلة كمان ، حضرتك اللي هتجيبهم لنفسك ولامر-يكا كمان
انت اللي هتجيب لهم القُلة وهتقول يا حلولة كمان علشان تعرف "تعيش" بس!
درس مهم جدا لكل العرب خدوا الدرس والعبرة مما حدث ومما يحدث وتحركوا بسرعة وتخلصوا من الاحضان الامري… كية …. اللهم قد بلغت اللهم فإشهد……. نحمد ربنا …. وإذكروا الله كثيرا لعلكم تفلحون.
0 تعليقات