محمد محمود عبد الدايم... قطار العمر.. مصر

 

قطار العمر

قطر اعمارنا عجيب

رغم انه مش غريب

من غير تذاكر نركبه

لسه فاكر البداية

كنت راكب فيه امانه

كان بيمشى خطوة خطوة

بس كانوا مستعجلين

انتم عارفين هما مين

 نفسهم تجري  السنين

قطر اعمارنا ماشي

كلنا راكبين وماشي

فجأة سرعته تبدء تزيد

تشوف عيونا شئ جديد

فى الخيال نرسم امال

والقطر عمرة ما سأل

فى يوم سؤال

 عن آمال أو عن خيال

تجري اسرع خطوته

بايدة يرسم على الوش

كل خطوة من خطوته

يرسم خطوط زى الخيوط

أو خط كاتب عمرنا

زى ما شفنا قبلنا

قطر ماشي طريق طويل

ولا ماشي طريق قصير

هو هو نفس المصير

زى ما ركبناة ملفوفين

برضه هننزل ملفوفين

بس لفه فيها كتاب

أما رحمه أو عذاب

زى ما جينا من تراب

راجعين  ويحضنا التراب

اطفال كنا أو شباب

لازم هنرجع للتراب

ياقطر  هون الطريق

 محمد محمود عبد الدايم