مدد يارب
ماتوا ليه ؟
قالوا قدر
الدم ليه ؟
بيروح هَدر
لا مش قَدر
ده خسيس
و بالأبرياء غَدر
إيه يا بلد
لحد إمتي هنعيش نَكد ؟
دي عين صابت وللا حَسد
وللا سحر أسود مُعتمد
مَره كنيسة وكام مَره جامع
ولا حَد شايف ولا حد سامع
والبنت راحت والوَلد
يا شعب يخاف ما يختشيش
يا مستخبي ورا ١٠٠٠ شيش
يا مغيبينك بالحشيش
يا مغلبينك علي ٥ عيش
لا عزم فيك ولا جَلد
٧٠سنة واقفين حداد
٧٠سنة لابسين سواد
ولادك يا عَدرا عباد
طالبين من الله المدد
د.ياسر الشريف
0 تعليقات