كان ياما كان بقلم رشا سعد الدين 🇪🇬

 

كان ياما كان

كان ياما كان من ألف حكاية

عصفور حلو وعصفورة آية 

فردو جناحهم شافو الشجرة

لموا العشة أشة بأشة 

عاشوا أيامهم تحت القمرة 

عاشوا احلامهم فوق على الشجرة 

لحد ماجه يوم على العصفور 

غره جناحه وطار على طول 

ساب عصفورته تبكى عليه

ساب المر عليها يطول 

فضلت تبكى غياب عصفورها

فضلت تبكى من المجهول 

وفى يوم قامت فيه الريح 

قاصده جناحه يقع جريح

حاول يقاوم حاول يقوم

حاول يعافر جوه الريح

كان محتاج لجناح جمبه

كان محتاج للحب صحيح

فكر على طول فى حبيبته

طار يرجع بيت عصفورته 

لقى الشجر بيجيب سيرته 

عصفور جه خد عصفورته 

قعد حزين يحكى حكايته 

ويتمنى لو ترجع له 

رشا سعد الدين  🇪🇬