د.ياسر الشريف أنا البَهلول مصر 🇪🇬

 

أنا البَهلول

أنا البَهلول و صَبري عليكم مش معقول

أتكلم لُغات حية فُصحي و عامية و قَد القول

أنا نَفسي مش غيري عايش مَلكي و كمان ميري

 

و راضي ربي و ضميري و عايشها معاكم عرض و طول

وَطني قوي و مش قِلة لا عين مَكسورة و لا عَليا ذِلة

و محافظ علي ديني و المِلة في زمن كل اللي فيه مَسطول

و ماشي لسه على الفِطره و عُمري ما فكرت ف بُكره 

أحب بس و مش باَكره في الواقع و على الحمول

رِسالة للناس بوصلها الدُنيا زايله بأموالها و الباقي للناس

 أعمالها و الخير يزيد في جمالها و الفوز لأولاد الأصول

د.ياسر الشريف