شاعر البسطاء سعيد سعيد امام أثر لا يزول

 

أثر لا يزول

الكاتب الصحفي وشاعر البسطاء سعيد سعيد أمام 

بعد سنين طويلة جريت

بين طرقات العمر الكتير

وشفت وجوه وضحكات

وشفت تعب وفرح ومرير

وقفت أسأل نفسي يوم

بعد المشاوير والمصير

إيه اللي يبقى من الإنسان

بعد ما يغيب عن الضمير

هل يبقى بيت بناه

ولا مال جمعه بحساب

هل يبقى اسم فوق ورق

ولا صورة معلقة على باب

ولا يمكن شيء أعمق بكتير

من كل ما فات وغاب

شيء يعيش جوه القلوب

حتى لو صاحبه صار تراب

ومشيت أدور في الحكايات

بين ناس عرفتهم زمان

لقيت واحد ما كانش غني

ولا كان صاحب سلطان

لكن كل ما اسمه يتقال

تدعي له قلوب الإنسان

لأنه يوم كان سند لناس

في وقت ضاقت فيه الأزمان

ولقيت واحد كان يملك

من المال ما يملأ المكان

لكن يوم ما غاب نسوه

كأنه ما كان يومًا عاش في المكان 

فهمت ساعتها إن القيمة

مش في الكنز ولا البنيان

القيمة في أثر طيب

يبقى بعد رحيل الإنسان

فيه كلمة جبرت خاطر

عاشت سنين في الوجدان

وفيه يد امتدت بخير

غيرت عمرًا وأمان

وفيه حلم شجع صاحبه

فصار نورًا في كل مكان

وفيه قلب كان رحيمًا

فصار ذكره مثل البستان

الأثر مش لازم يبقى

شيء كبير يهز الزمان

يمكن ابتسامة صادقة

في وجه متعب وحيران

يمكن نصيحة في وقتها

أو موقف شهامة وأمان

يمكن دعوة طالعة بصدق

تفتح أبواب الحنان

يا صاحبي

كلنا راحلون يومًا

دي سنة رب العالمين

لكن مش كل الناس بتبقى

في ذاكرة الناس سنين

فيه ناس تمشي في هدوء

لكن تفضل بين الحاضرين

بأخلاقها وسيرتها الطيبة

وكلامها الصادق الأمين

عشان كده وإنت ماشي

في طريق العمر الطويل

ازرع خير في كل محطة

وخلي قلبك أصيل

يمكن ما تشوفش الثمرة

في يومك القصير القليل

لكن أكيد هتفضل يوم أثر جميل لا يزول

كلمات وتأليف 

شاعر البسطاء سعيد سعيد امام