حصريا : قانون الايجار القديم والريس وكل مايدور من لغط .. لواء سامي دنيا 🇪🇬

 حصريا : قانون الايجار القديم والريس وكل ما يدور من لغط 

📌قانون الايجار القديم والريس وكل مايدور من لغط : 

📌 اولا : هناك احكام نافذه من المحكمه الدستورية اعلى سلطة تشريع بالدوله (( والدوله بكل مؤسساتها )) اتأخرت جدا فى اجراءاتها طبقا لقرارات واحكام المحكمه الدستورية 

📌 ثانيا : الرئيس مش من حقه اى تدخل من قريب او بعيد غير بعد انتهاء القانون بشكل كامل واحالته اليه للتصديق 

قبل كده لايملك الرئيس اى سلطه من قريب او بعيد 

📌 ثالثا : حتى لو الرئيس رفض التصديق على القانون هريجع تانى لمجلس النواب لمراجعة اسباب الرفض واما تعديلها واما العوده والموافقة على القانون (( شرط ثلثى الأصوات)) 👈 ليصبح قانون 

📌 رابعا : حتى لو الرئيس ومجلس النواب وافقوا وصدقوا على القانون وفى عوار تشريعى او دستورى او قانونى 👈👈 المحكمه الدستورية بتهده وبترجعه نقطة الصفر 

📌 ماتم حتى الآن: 

📌 فقط العمل داخل مجلس النواب على القانون 

يعنى اول خطوه 

📌 لسه الخطوه الثانيه الرئيس

📌 لسه الخطوه الثالثه المحكمه الدستورية 

📌 كلامنا كتقرير  : 

📌كل كلامنا لم يتطرق للقانون لان القانون له اساتذة القانون المتخصصين وهم من يستطيعون الحديث فيه بشكل علمى 

📌 المؤجر والمستأجر  كلاهما له حقوق وعليه واجبات كأطراف تعاقد والقانون سيعطى الجميع حقه بما له وماعليه دون جور او ظلم 

📌 قانون الايجار القديم له حالات متباينه لاتعد ولاتحصى ومعقده ومتداخله ومختلفه جذريا فى كل حاله على حده 

(( واى قانون يراعى دائما كافة الحالات وتصدر لوائح تفصيليه بكل حاله وما يتم من اجراءات معها ))

📌 عامل زى قانون المعاشات كده صاحب المعاش او ورثه وكل حالة وريث لو عنده بنت لاتعمل او لو مريضه او منفصله او بنتين واحده لاتعمل او غيرها من ملايين الحالات ومين مستحق للمعاش ولا هيتقسم ولاغيرها كتير جدا 

📌 المؤكد الجميع لازم يتطمن مش هيخرج قانون يظلم حد ولايرمى حد فى الشارع 👇

(( ومتسيبوش حد يفضل يلعب بيكم ))

📌 وبرضوا القانون هيصدر يرفع ظلم لحالات كتير جدا هائله لاتعد ولاتحصى للمالكين وورثتهم المستحقين الاستفاده من املاكهم(( وفى ملايين المخالفات )) من المستأجرين بالقانون القديم المفروض قانونا يغادروا الوحدات السكنيه لانهم خالفوا التعاقد 

📌 وهنستأذنكم محدش فى التعليقات يسألنا فى القانون او حالات مختلفه لاننا مش مجال فتوى فى القانون 

📌 وهنكرر تانى باذن الله لاحد هيتشرد ولاحد هيضر من أهلنا كبار السن المحترمين ولا حد هيتظلم لامالك ولامستأجر 

📌 وكل الهرى اللى بيحصل ده سببه اصحاب مصالح كل واحد بيولع الدنيا عشان مصلحته 

📌 وبما انه موضوع سخن ويهم ملايين المصريين نزلت بسرعه قوى الشر وعملاء الداخل والخارج عمالين يسخنوا ان الريس السبب (( وفينك ياريس)) ووقف المهزله وهنترمى فى الشارع وحرام عليكم 👇

وغيرها من الحملات المسعوره والمسمومه اللى بتستغل جهل المصريين وحمى الهرى اللى ابتلينا بيه 👇

📌 وسبب ان احنا كتبنا فى الموضوع لاننا مشفناش اى حد كتب وقال (( الرئيس دستوريا وقانونيا )) دوره لم يصل بعد

ومش من حقه من الأساس يرفض او يتدخل فى حكم المحكمه الدستورية ولامن حقه يتدخل فى سير اجراءات القانون داخل مجلس النواب 

(( مبدأ الفصل بين السلطات))  : 

= التنفيذيه رئيس+حكومه

= تشريعيه مجلس نواب وشيوخ

= قضائيه 👈 كل هيكل قضاء مصر ودرجات التقاضي فيه

📌 يعنى هنبدأ نقول فين رأى الرئيس عند احالة القانون للرئيس للتصديق عليه 

📌 واللى كمان مش هيعجبه القانون بعد تصديق الرئيس عليه 👈 هيطعن على القانون او اى ماده فيه امام المحكمه الدستورية 

📌 وكل اللى فات لسه متمش فهدوا اعصابكم ومتحرقوش دمكم (( مالك/:مستأجر )) حتى يظهر للقانون اى خطوات فعليه.

حفظ الله مصر 🇪🇬 الحبيبة ودائما مستقرة عصية على كل محاولات اهل الشر.