حصريا : العالم هذا الصباح على مسئوليتى الشخصية
■ من أهم مقالات أخبار العالم إللى ممكن تتابعها ⌛ ..■ ولو إنت مش متابع إللى بيحصل فى العالم ..■ بسرعة حضر كوباية الشاى بالنعناع علشان هناخد لفة فى أخبار العالم العجيب العالم اللى معندوش اصل ..
■ ومطولش عليكم وقولولى لاء طول ....
== أوزباكستان :■ أوزباكستان دى دولة لطيفة خالص فى وسط آسيا، ومن أهم المدن عندهم هى مدينة سمرقند ..■ لحد كدا كويس....!!!
■ لا مش كويس...!!■ علشان وزير العمل هناك أعلن عن إجتماع بين جميع مديرين أفرع الوزارة بس الإجتماع هيكون عن طريق الفيديو كونفرنس!!! ■ وإذ فجأة أول ما بدأ الإجتماع وكاميرات الفيديو إتفتحت....!!!
■ ظهر مدير فرع منهم قاعد قدام الكاميرا فى مكتبه وقاعد على رجليه السكرتيرة وهى بتفتحلة لامؤاخذة سوستة البنطلون، زى ما بقولك كده!!! ■ طبعاً الإجتماع إتوقف فوراً وبقت فضيحة فى البلد كلها ..■ ووزارة العمل فصلت الإتنين بسبب إنتهاك الأخلاقيات والإنضباط....!!سرى ده اللى حصل حرفيا.
وعلي الناحية الاخري من العالم ..
=== الهند :■ عالم الضحك.... آه بجد!!!
■البوست إللى فات إتكلمنا عن السفارة الوهمية وإللى نصبت على الهند كلها!!!
■ من إسبوع كدا الإتحاد الهندى لكرة القدم نزل إعلان رسمى إنه عايز مدرب عالمى يدرب المنتخب الهندى لكرة القدم ....ف من يومين بالظبط نزل خبر حصرى بيقول إن تشافى مدرب فريق برشلونة السابق قدم على وظيفه فى الإتحاد الهندى لكرة القدم عشان يكون مدرب المنتخب .... و مدير إدارى المنتخب الهندى بنفسه طلع فى مؤتمر صحفى و أكد أن تشافى فعلاً قدم على الوظيفة!!! ■ الكوميديا بقا إن الإتحاد الهندى النهاردة إكتشف ان تشافى مقدمش على الوظيفة أصلاً .... و إنه فى ولد عنده 19 سنة إستخدم إيميل ب إسم تشافى وقعد يتفاوض معاهم ييجى أسبوع و ضحك عليهم فى الآخر!!! ■ القصة تخلص على كدا ..... أبداً!!! ■ صحيفه الأتليتك المشهوره نزلت النهاردة تقرير بيقول إن الإتحاد الهندى جاله طلب من بيب جوارديولا مدرب مانشيستر سيتى وإكتشفوا إن الطلب برضو مش حقيقى …وحد ضحك عليهم مرة كمان!!!
■ فكانت النتيجة أن الإتحاد الهندى قلص قائمة المرشحين إلى 3 مرشحين فقط و قفلوا باب الطلبات من أساسه عشان محدش يضحك عليهم مرة كمان!!! ■ الإتحاد الهندى ده من كتر ما هما طيبين إتضحك عليهم مرتين!!! ■ الناس دى طيبة خالص يا خال ..
========
وع الناحية التانية من العالم ..
=== أمريكا:■ فى أمريكا بقا تور هايج فى عنبر سبعة!!!■ ترامب بعد ما أخد حباية لامؤاخذة الشجاعة كلها هاج على روسيا!!!■ وطلع قال ... هو أنا لسه هستنى خمسين يوم على روسيا علشان توقف الحرب!!!■ هما عشر أيام بس لو روسيا موقفتش الحرب على أوكرانيا هتشوف إللى مشفتهوش قبل كدا!!!
■ طب هو إيه إللى هتشوفة يا معلم ترامب!!!
■ قالك ملكوش فيه....!!!■ هما عشرة أيام بس وروسيا هتوقف الحرب بمزاجها أو غصب عنها!!!■ مدفيديف نائب رئيس مجلس الأمن الروسى مسكتش بصراحة وطلع وقال باللفظ....أحوه إسكندرانى لترامب!!!
■ هو إنت فاكرنا إيران ولا إسرائيل!!!
■ دى روسيا!!!■ فوق كدا وإنت بتتكلم ، إعرف إنت بتتكلم عن مين ؟؟
■ يسكت_ترامب.... أبداً!!!■ ترامب طلع ورد على مديفيديف وقال....إنت بتقولى أحوه إسكندرانى!!!■ أخبروا ميدفيديف الرئيس السابق الفاشل لروسيا أن يراقب كلماته، هو فاكر نفسه لسه رئيس ولا إيه وإنتظروا الأسوء؟؟؟■ ميدفيديف يسكت ....أبداً!!!
■ رد_عليه وقال....يجب على ترامب أن يعلم أن الأسوء هى الحرب العالمية التالتة!!!
■ عزيزى المتابع ، لو إنت فاكر إن الخناقة دى ألش منى أو من تأليفى...!! ■ ف أحب أقولك للأسف الخناقة دى حقيقية ولسه شغالة بين ترامب وميدفيديف!!!للآن.
==========
وع الناحية التانية من العالم ....
==== أوكرانيا :■ النهاردة الصبح ولسه الناس بتقول يا فتاح يا عليم يا رزاق يا كريم طلع زيلينسكى وقال خطاب وأذاعة على الإنترنت...!!■ حقه يا سيدى....!!
■ لأ ثانية واحدة...!!■ دا مطلعش قال أى خطاب والسلام!!!■ دا الراجل طلع وبيطالب المجتمع الدولى إنه يغير النظام فى روسيا.... آه بجد!!!■ هتقولى يعنى أيه يا معالى الجنرال!!!
■ هقولك طلع الراجل وقال فى الخطاب إنه بيطالب أمريكا يجب تغيير النظام فى روسيا والقبض على بوتين وحبسه ومحاكمته... آه بجد!!!عالم خلل….. استغفر الله.
■ بقا أمريكا إللى معرفتش تغير النظام فى إيران عايزها تهجم على روسيا وتخطف بوتين كمان وتحبسه ..؟؟■ هو إنت يا بنى كنت نايم إمبارح منغير بنطلون ولا ظروفك إيه!!!
■ ما هو ملهاش معنى إنك تصحى الصبح وتلقى خطاب زى ده وتذيعة ع الإنترنت غير إنك كنت نايم بالليل من غير بنطلون ..او من غير …… استغفر الله مش قائل.
======•
وع الناحية التانية من العالم....
==== كوريا_الجنوبية :■ كوريا الجنوبية عملت إتفاق تجارة بينها وبين أمريكا...!!
■ بس لما تشوف الإتفاق وحياتك ما يتخيرش عن إتفاق أمريكا مع اليابان!!!■ شوف يا سيدى بنود الإتفاق...كوريا الجنوبية هتدفع ٣٥٠ مليار دولار للإستثمار فى أمريكا فى مشاريع كوريا الجنوبية مش هتاخد منها دولار واحد!!!
■ يعني بالبلدى كدا إتاوة!!!■ مش كدا وبس...!!!■ دى كوريا الجنوبية هتشترى من أمريكا ب ١٠٠ مليار دولار بترول وغاز حتى لو سعرهم أغلى من السوق العالمى...!!
■ آه هي بلطجة حضرتك!!!■ مش كدا وبس!!!■ أمريكا هتفرض على منتجات كوريا الجنوبية تعريفات جمركية ب ١٥ ٪ ..
■ والمنتجات الأمريكية هتدخل كوريا الجنوبية بدون أى جمارك!!! مسخرة_بجد..... دا لو ترامب ماسك عليهم سيديهات مش هيوافقوا ع الشروط دى!!!■ بس وافقوا علشان خايفين من كوريا الشمالية والمجنون بتاعها كما يَدّعو!!!
========
وع الناحية التانية من العالم ....
==== البرازيل :ترامب إمبارح فرض جمارك على البرازيل ٥٠ ٪ رسمياً...!!يسكت لولا ديسيلفا رئيس البرازيل....أبداً!!■ طلع النهاردة وقال.....■ النهاردة هو يوم السيادة والشرف للشعب البرازيلى!!■ النهاردة البرازيل بتعلن عن فرض رسوم جمركية على كل المنتجات الأمريكية بنسبة ٥٠ ٪ ..■ ولو أمريكا زودت .... هنزود!!!■ وعلى الرئيس ترامب إنه يحط راسه مطرح رجليه!!!■ أو يضرب راسه فى الحيط.... زى ما يحب!!!خلص الكلام.
=========
و ع الناحية التانية من العالم ....
=== ألمانيا:■ النهاردة وزير خارجية ألمانيا يوهان فاديفول فاجئ الكوكب كله بتصريح من الشمخ الجوانى...■ الراجل طلع وقال....
■ يجب البدء بعملية الإعتراف بالدولة الفلسطينية....!!■ هنا بقا الدنيا إتقلبت فى إسرائيل...!!!■ وطلع وزير الأمن القومى الإسرائيلى وقال ..■ لا بقا كله إلا ألمانيا...!!
■ إشمعنى ألمانيا يا بن العبيطة!!!
■ قالك التصريح ده معناه ان ألمانيا لسه بتشجع النازية وبتنصر حماس!!!■ إنت ليه محسسنا إن حماس دى ولاد أخت هتلر مثلاً ؟
■ ولا هو ترهيب وتهديد وخلاص!!!
■ مش بقولكم عبيط ... حتى فى تصريحاته عبيط!!!ماشى الحال.
========
وع الناحية التانية من العالم ....
==== فرنسا :■ فى فرنسا طلع وزير خارجية فرنسا وقال ... هو إنتوا فاكرين إن فرنسا بس إللى هتعترف بالدولة الفلسطينية ؟؟
■ لأ حضرتك دا فى ١٤ دولة أوروبية هتعلن إعترافها بالدولة الفلسطينية منزوعة السلاح!!!
■ لو سألتنى وقولتلى هو إيه اللي بيحصل يا جنرال ؟■ هقولك وبكل فخر....!!■ دا شغل الدولة المصرية القوية بمؤسساتها !!!■ هتقولى إزاى يا جنرال!!!■ هقولك إستنى فقرة تحيا مصر وإنت هتفهم إيه إللى بيحصل!!!تماما.
=======
وع الناحية التانية من العالم....
==== إثيوبيا :■ ماذا بينك وبين الله يا سيسى حتى يحدث كل هذا لإثيوبيا!!!■ قالك هنبنى السد وهنقفل المية على مصر وهنعطشها...!!!
■ يقوم ربنا يبعت الأمطار فى العشر سنين إللى فاتوا بأكتر من إيرادات النهر مرتين تلاتة وإثيوبيا متقدرش تقطع المية عن مصر غصب عنها....!!!■ يقوم يقولك الأثيوبيين إحنا أصلاً عاملين السد علشان نخزن المية ونغرق مصر!!!■ يقوم ربنا سبحانة وتعالى يغرق أديس أبابا العاصمة فى فيضانات بقالها أكتر من إسبوع وكل الخدمات مقطوعة هناك ومفيش كهرباء!!!■ وإحتمال يعلنوا إن أديس أبابا عاصمة إثيوبيا مناطق منكوبة بسبب الفيضانات!!!■ أنا فاكر فى أحد الخطابات للسيسى لما كان الشعب المصرى قلقان بسبب السد طلع وقال...أنا عايز الشعب المصرى يتطمن..... مش مصر إللى تقلق!!!
■ مصر دولة كبيرة وعيب لما الشعب المصرى يقلق!!!■ وبعدين..... هما هيعاندوا ربنا!!!■ طب يورونا هيعاندوه إزاى!!!
■ آه بجد قال كدا حرفيااا ايوه السيسي البطل حبيب ربنا وحبيب شعبه حفظه الله قولوا امين.
=========
🟣 🟣 وع الناحية التانية من العالم: فى مصر حبيبتي :
🟣 وفى تحيا مصر....
🟣 رقصة الشيطان الأخيرة....!!!
🟣 هتقولى يعنى إيه يا جنرال!!!
🟣 وإيه الجملة الغريبة دى!!!
🟣 هقولك ما هو كل إللى بيحصل دلوقتى هى رقصة الشيطان الأخيرة.... آه بجد!!!
🟣 شوف يا سيدى....!!!🟣 كل الملفات إللى مصر طول تاريخها كانت بتعانى منها... السيسى معندهوش حل وسط فيها!!
🟣 كان دايماً بيحلها حل جذرى...!!!
🟣 من أول الملف الإقتصادى للصناعة للزراعة للكهرباء للطرق للتعليم للأمن للجيش والتسليح للتصنيع العسكرى!!!
🟣 كلها كانت حلول جذرية لكل الملفات ..
🟣 مفيهاش حلول وسط أو مسكنات!!!
🟣 ماشى بمبدأ ضربة مرزبة ونحل المشكلة من جذورها ولا ميت خبطة ونرقع فى حلول ملهاش لازمة!!!🟣 أنا بقولك المقدمة دى ليه ؟؟🟣 علشان السيسى لما جه للملف الخارجي وتحديات الدولة المصرية والأمن القومى لقى إن أهم وأخطر ملف فيه هى الحدود الشرقية...!!🟣 ولقى فيها عدوين للدولة المصرية..... مش عدو واحد
١- إسرائيل!!! ٢- حماس!!!واضح……
🟣 سنة ٢٠١٦ طلع السيسى وأعلن عن غلق جميع الأنفاق بالضبة والمفتاح فى سيناء وخلاص بقا إنسوا السداح مداح إللى كانوا عايشين فيه إنتهى!!!🟣 والجيش المصرى قعد عشر سنين يطهر فى سيناء من القذارة إللى كانت فيها من ٢٠١١ ل ٢٠٢٠ ..🟣 وطلع السيسى وقال خلصنا خلاص وهنبتدى التنمية
بس لسه المشكلة الأزلية موجودة!!!
🟣 والعدوين موجودين على الحدود .... طب الحل إيه ؟؟🟣 السيسى طلع قدام العالم كله وقال إن الحل الوحيد للشرق الأوسط هو إقامة دولتين!!!🟣 خد بالك دا علشان يوقف خطط إسرائيل التوسعية فى المنطقة!!!🟣 إسرائيل إعترضت وقالت مينفعش نعترف بدولة فلسطين إللى فيها جماعات هتحاربنا!!!
🟣 السيسى قالهم الحل عندى...!!
🟣 هنعمل دولة فلسطينية منزوعة السلاح....!!🟣 هنا بقا مش إسرائيل إللى إعترضت حضرتك!!!🟣 دى حماس وكل الجماعات الإسلامية فى العالم والإخوان المسلمين والدنيا هاصت على السيسى وعلى مصر!!!🟣 الله طب يا ولاد كوم شكاير الكلاب ما إنتوا بقالكم ٨٠ سنة معاكم سلاح عملتوا بيه إيه ..🟣 دا إنتوا عمركم ما حررتم شبر واحد!!!
🟣 قالك لاء السيسى عايز ينزع منا السلاح علشان خاطر عيون إسرائيل!!!🟣 وإسرائيل هى كمان إعترضت علشان لو هى وافقت بالدولة الفلسطينية حتى لو منزوعة السلاح كدا هيتحدد حدود لإسرائيل وهينتهى فكرها التوسعى فى المنطقة!!!🟣 وهى دى النقطة الأهم فى المشروع المصرى للمنطقة!!!
🟣 إننا نخلص من حماس ...ونخلص من الفكر التوسعى لإسرائيل فى المنطقة!!!
🟣 طب مصر سكتت على كدا .... أبداً!!
🟣 مصر سنة ٢٠٢٠ أخدت موافقة الصين وروسيا على الورقة المصرية وإنهم موافقين على إقامة الدولتين وإن فلسطين تكون دولة منزوعة السلاح!!!🟣 مش كدا وبس....!!
🟣 دى مصر من سنة ٢٠٢٠ بدأت أشرس معركة دبلوماسية فى العالم علشان تنفذ فكرتها!!!
🟣 ولَمَّا إسرائيل لقيت نفسها خلاص إتزنقت هى وحماس!!!🟣 عملوا ٧ أكتوبر....!!!
🟣 علشان يقولوا للعالم لا يا عم المقاومة أهيه زى الفل وبنقاوم حضرتك!!!
🟣 وإسرائيل هى كمان تخدم مشروعها التوسعى ....وكله بيتراضى....!!!زى ما بقولك كده وعمرى ما قلت لك كلمة كده او كده.
🟣 بس لما الموضوع فلت منهم وإتفضحوا قدام المجتمع الدولى كله على حساب الشعبين....!!🟣 وطبعاُ مصر هى إللى فضحتهم..!!!🟣 وحطت المجتمع الدولى أمام ضميره الإنسانى!!!🟣 فرنسا وإنجلترا وألمانيا والبرتغال وأستراليا وكندا و ١٤ دولة أوروبية سألوا مصر طب الحل إيه ؟؟
🟣 مصر قالتلهم الحل جاهز...!!
🟣 إعلان الدولتين وإعمار غزة!!!
🟣 فرنسا وافقت ووقفت مع مصر فى حملتها الدولية!!! 🟣 وقدرت تقنع ال ١٤ دولة بالإعتراف بالدولة الفلسطينية منزوعة السلاح!!!🟣 طب مين إللى هينضر بسبب الإعلان ده ؟؟🟣 إسرائيل.... وحماس ..
🟣 يسكتوا ..... أبداً!!🟣 إسرائيل علشان تسكت مصر وتهديها وتوقف المشروع المصرى وافقت على دخول جميع المساعدات الإنسانية …مش كدا وبس....!!!🟣 لا دى كمان هتعمل ممرات إنسانية لوصول المساعدات للشعب الفلسطينى حضرتك!!! 🟣 خد بالك إن الطلب ده مصر كانت بتتفاوض عليه بقالها سنتين ولا إسرائيل راضية ولا حماس راضية!!!
🟣 كوميديا سوداء حضرتك!!!اه والله يا ولاد المبقعة.
🟣 هتطلعلى واحدة إسكندرانية بنت حلال وانا بحبها جدا اصلا وتسألنى وتقولى ...🟣 طب يا جنرال إسرائيل وعرفنا إنها وافقت على دخول المساعدات علشان ترضى مصر علشان توقف مشروع الإعتراف بالدولة الفلسطينية إللى خلاص العالم كله إقتنع بوجهة النظر المصرية!!!🟣 طب حماس عملت إيه...!!!
🟣 أكيد طبعاً وافقت وفرحانيين بمصر!!!
🟣 هقولك لأ للأسف....!!🟣 دا حماس والإخوان المسلمين قعدوا وإتفقوا مع إسرائيل وقالولهم الكلام ده مش هياكل معانا عيش إحنا لازم نتصرف بسرعة قبل ما يعلنوا فى الأمم المتحدة الإعتراف بالدولة الفلسطينية منزوعة السلاح!!!🟣 وإحنا مصلحتنا واحدة ولازم نحط إيدينا ف أيد بعض!!!🟣 إسرائيل قالتلهم إزاى ؟؟؟🟣 قالولها إنتى من ناحيتك تدخلى المساعدات وتبانى إنك كيوت خالص وقلبك قلب خساية قدام المجتمع الدولى!!!
🟣 واحنا هنعلن النفير العام وهنخلى كل قواعدنا ع الأرض!!! 🟣 فكل الدول تتظاهر قدام السفارات المصرية ونتهم مصر انها هى إللى محاصرة غزة وهى إللى مجوعة غزة!!!
🟣 إسرائيل قالتلهم بس الكلام ده مش هياكل مع شعوب الدول الأوروبية!!!🟣 قالولها مش مهم!!🟣 إحنا مبنستهدفش شعوب الدول الأوروبية!!!🟣 إحنا بنستهدف الشعب المصرى إللى لازم نغير وعيه ونغيبه ونفهمه إن النظام المصرى بقيادة السيسى هو إللى مجوع غزة!!!
🟣 يقوم الشعب المصرى يغضب ويثور ويهاجم النظام ومصر تدخل فى الفوضى ونخلص من مصر!!!🟣 ونخلص من فكرة إقامة الدولتين وانتوا تستفادوا واحنا هنستفاد!!!🟣 الدولة المصرية العميقة شايفة المشهد من أوله ومتبعاه لحظة بلحظة حتى إجتماعاتهم وإتفاقتهم مرصودة!!!ويمكن قاعدة فى وسطهم بس ربنا عامى قلبهم قبل عيونهم عشان هما الاثنين شبه بعض فسقة.
🟣 علشان كدا الدولة المصرية إدت أوامر بعدم الإشتباك مع أى حد قدام أى سفارة ولازم نفوت عليهم الفرصة لحد ما ييجى شهر سبتمبر إللى هيكون فيه إجتماع الأمم المتحدة!!! 🟣 أيوه حضرتك إحنا هنستحمل كل السخافات دى لحد ما ييجى شهر سبتمبر!!!🟣 بس الدولة المصرية مش ساكته على كدا وبس!!!🟣 دا فى مشروع عظيم الخارجية المصرية مقدماه للأمم المتحدة لإلغاء حق الفيتو ف الإجتماع ده!!!
🟣 طبعا دا لو حصل هيبقا أعظم شلوت هتاخده أمريكا وإسرائيل فى التاريخ!!!
🟣 علشان كدا ترامب رئيس أمريكا كل شوية يطلع يقول والنبى أحللكم موضوع سد النهضة يا سيسى!!! 🟣 طب يارب أبوك يحج يا سيسى تعالى أقعد معايا وأنا هديك مفاتيح السد وأبى أحمد كمان فوق البيعة!!!ببدلته الكاروهات المبلطة والترزى كمان فوق الاشتغالة دى..
🟣 خد بالك عزيزى المتابع المحترم !!!
🟣 إللى هيحصل فى شهر سبتمبر هيكون أعظم إنتصار للدولة المصرية فى التاريخ الحديث بعد إنتصار أكتوبر!!!اه والله هو كده.
🟣 علشان كدا هى حرب أشرس بكتير من حرب أكتوبر!!!🟣 مش كدا وبس....!!
🟣 دا الكنيست الإسرائيلى إمبارح عقد جلسة مخصوص لمصر!!!🟣 وطلعت النائبة اليمينية ليمور سون هرميليخ والنائب المتطرف عيدان رول وإتهموا مصر بإنها العقبة الوحيدة أمام المشاريع الإسرائيلية والحائط الصلد ضد الشرق الأوسط الجديد!!!🟣 علشان كدا إسرائيل أُمنية حياتها دلوقتى إنها تستفز مصر وتدخل معاها فى حرب قبل سبتمبر حتى لو حرب لمدة ساعتين ...بجد!!!🟣 قبل الإعتراف بالدولة الفلسطينية وحل الدولتين!!!
🟣 علشان دى هتكون أكبر هزيمة ليها فى تاريخها بعد هزيمة أكتوبر!!!🟣 وبكدا هيكون السادات علم عليهم والسيسى كمان علم عليهم!!!🟣 علشان كدا أنا مش خايف من إللى بيحصل قدام السفارات المصرية فى الخارج دا بالعكس بيبين قد إيه الدولة المصرية موقفها قوى ومش عارفين يعملوا معاها حاجة!!!
🟣 دا يا مؤمن مسابوش سفارة ...🟣 دول راحوا قدام سفارة مصر فتل أبيب يتظاهروا قدامها .... إللى هو قمة الغباء!!!🟣 ودا يوضحلك قد إيه التنسيق بين اسرائيل والإخوان المسلمين!!!🟣 تنسيق إلى أبعد مما تتخيل!!!
🟣 بس على مين..... دا السيسى برضوا ..
🟣 رفاعى...... صياد الافاعي!!!حبيب ربنا وحبيب شعبة حفظه الله قولوا آمين.
🟣كفاية كدا النهاردة!!!……. والحمد لله رب العالمين ……نحمد ربنا ….. وإذكروا الله كثيرا لعلكم تفلحون.
0 تعليقات