سورة الكوثر رسالة طمأنينة من السماء بقلم الكاتبه داليا أحمد بكرى

 

سورة الكوثر رسالة طمأنينة من السماء

بقلم الكاتبه/ داليا أحمد بكرى

كل ما تحس إنك متضايق من أي حاجة افتكر تفسير سورة الكوثر

لما شخص كان بيعاير النبي ﷺ لأن ابنه توفى وكل ذريته بنات فلما كان يشوف النبي يضحك بسخرية ويقول يا أبتر المقصود منها إن نسله هينقطع بمجرد وفاته لأن مفيش ابن يشيل اسمه سيطر الحزن على مشاعر النبي ﷺ

فورًا أرسل الله له سيدنا جبريل برسالة طمأنينة وكانت عبارة عن سورة سطر واحد بس لكنها كانت زي المرهم اللي داوى جرح النبي وطيب خاطره الله تعالى قال له إنا أعطيناك الكوثر يا محمد لك نهر في الجنة ملكك لوحدك خلقته لك وسميته الكوثر

فصل لربك وانحر قم توضى وصل وانفض تراب الزعل واذبح الذبائح ووزعها على الفقراء واطعمهم وعبر عن شكرك وفرحتك بكرمي إن شانئك هو الأبتر

الشخص اللي سخر منك هو اللي هينقطع اسمه من الدنيا وفي يوم القيامة حسابه شديد أما أنت يا محمد سيرتك هتكون عايشة واسمك موجود وكل شخص يذكر اسمك في أي مكان هيصلي عليك

اطمئن النبي ﷺ وطمئن كل مؤمن بالله إن ربنا مستحيل يسيبه من غير ما يخرجه من محنته ويفرجها عليه

لأن ربنا مش بيسيب عبد من عباده الصالحين متضايق أو شايل هم من غير ما يخفف عنه ويزيل همومه

الله كريم ورحيم بعباده جميعا